تیرا چپ رہنا مرے ذہن میں کیا بیٹھ گیا

اتنی آوازیں تجھے دیں کہ گلا بیٹھ گیا

یوں نہیں ہے کہ فقط میں ہی اسے چاہتا ہوں

جو بھی اس پیڑ کی چھاؤں میں گیا بیٹھ گیا

اتنا میٹھا تھا وہ غصے بھرا لہجہ مت پوچھ

اس نے جس جس کو بھی جانے کا کہا بیٹھ گیا

اپنا لڑنا بھی محبت ہے تمہیں علم نہیں

چیختی تم رہی اور میرا گلا بیٹھ گیا

اس کی مرضی وہ جسے پاس بٹھا لے اپنے

اس پہ کیا لڑنا فلاں میری جگہ بیٹھ گیا

بات دریاؤں کی سورج کی نہ تیری ہے یہاں

دو قدم جو بھی مرے ساتھ چلا بیٹھ گیا

بزم جاناں میں نشستیں نہیں ہوتیں مخصوص

جو بھی اک بار جہاں بیٹھ گیا بیٹھ گیا....

 ‏بارش کی برستی بوندوں نے

جب دستک دی دروازے پر

محسوس ہوا تُم آئے ہو

انداز تمہارے جیسا تھا

ہوا کے ہلکے جھونکوں کی

جب آہٹ پائی کھڑکی پر

محسوس ہوا تُم گزرے ہو

احساس تمہارے جیسا تھا

میں نے گرتی بوندوں کو

روکنا چاہا ہاتھوں پر

ایک سرد سا پھر احساس ہوا

وہ لمس تمہارے جیسا تھا

تنہا میں پھر چلا بارش میں

تب ایک جھونکے نے ساتھ دیا

میں سمجھا تم ہو ساتھ میرے

وہ ساتھ تمہارے جیسا تھا

پھر رُک گئی وہ بارش بھی

رہی نہ باقی آہٹ بھی

میں سمجھا مجھے تُم چھوڑ گئے

انداز تمہارے جیسا تھا 

انداز تمہارے جیسا تھا...

 ‏غَم نہ کر ، غَم نہ کر

دَرد تھم جائے گا ، غَم نہ کر ، غَم نہ کر

یار لَوٹ آئیں گے، دِل ٹَھہر جائے گا، غَم نہ کر، غَم نہ کر 

زخم بَھر جائے گا ، غَم نہ کر، غَم نہ کر

دِن نِکل آئے گا ، غَم نہ کر، غَم نہ کر

ابر کُھل جائے گا، رات ڈھل جائے گی غَم نہ کر، غَم نہ کر

رُت بَدل جائے گی ، غَم نہ کر ، غَم نہ کر...

فیض احمد فیضؔ

جون ۱۹۶۵ء

مجموعہ : (سرِ وادیِٔ سینا)

 ‏سادگی تو ہماری ذرا دیکھیے اعتبار آپ کے وعدے پر کر لیا

بات تو صرف اک رات کی تھی مگر انتظار آپ کا عمر بھر کر لیا

عشق میں الجھنیں پہلے ہی کم نہ تھیں اور پیدا نیا درد سر کر لیا

لوگ ڈرتے ہیں قاتل کی پرچھائیں سے ہم نے قاتل کے دل میں بھی گھر کر لیا

ذکر اک بے وفا اور ستم گر کا تھا آپ کا ایسی باتوں سے کیا واسطہ

آپ تو بے وفا اور ستم گر نہیں آپ نے کس لیے منہ ادھر کر لیا

زندگی بھر کے شکوے گلے تھے بہت وقت اتنا کہاں تھا کہ دہراتے ہم

ایک ہچکی میں کہہ ڈالی سب داستاں ہم نے قصے کو یوں مختصر کر لیا

بے قراری ملے گی مجھے نہ سکوں چین چھن جائے گا نیند اڑ جائے گی

اپنا انجام سب ہم کو معلوم تھا آپ نے دل کا سودا مگر کر لیا

زندگی کے سفر میں بہت دور تک جب کوئی دوست آیا نہ ہم کو نظر

ہم نے گھبرا کے تنہائیوں سے صباؔ ایک دشمن کو خود ہم سفر کر لیا

صبا اکبر آبادی

MOHSIN NAQVI POETRY

چہرہ ہے کہ انوارِ دو عالم کا صحیفہ

آنکھیں ہیں کہ بحرینِ تقدس کے نگیں ہیں

ماتھا ہے کہ وحدت کی تجلی کا ورق ہے

عارِض ہیں کہ ”والفجر“ کی آیت کے اَمیں ہیں

گیسو ہیں کہ ”وَاللَّیل“ کے بکھرے ہوئے سایے

ابرو ہیں کہ قوسینِ شبِ قدر کھُلے ہیں

گردن ہے کہ بَر فرقِ زمیں اَوجِ ثریا

لب، صورتِ یاقوت شعاعوں میں دُھلے ہیں

قَد ہے کہ نبوت کے خد و خال کا معیار

بازو ہیں کہ توحید کی عظمت کے عَلَم ہیں

سینہ ہے کہ رمزِ دلِ ہستی کا خزینہ

پلکیں ہیں کہ الفاظِ رُخِ لوح و قلم ہیں

باتیں ہیں کہ طُوبیٰ کی چٹکتی ہوئی کلیاں

لہجہ ہے کہ یزداں کی زباں بول رہی ہے

خطبے ہیں کہ ساون کے امنڈتے ہوئے دریا

قِرأت ہے کہ اسرارِ جہاں کھول رہی ہے

یہ دانت، یہ شیرازۂ شبنم کے تراشے

یاقوت کی وادی میں دمکتے ہوئے ہیرے

شرمندۂ تابِ لب و دندانِ پیمبرﷺ

حرفے بہ ثنا خوانی و خامہ بہ صریرے

یہ موجِ تبسم ہے کہ رنگوں کی دھنک ہے

یہ عکسِ متانت ہے کہ ٹھہرا ہوا موسم

یہ شکر کے سجدے ہیں کہ آیات کی تنزیل

یہ آنکھ میں آنسو ہیں کہ الہام کی رِم جھم

یہ ہاتھ، یہ کونین کی تقدیر کے اوراق

یہ خط، یہ خد و خالِ رُخِ مصحف و انجیل

یہ پاؤں،یہ مہتاب کی کرنوں کے مَعابِد

یہ نقشِ قدم، بوسہ گہِ رَف رَف و جبریل

یہ رفعتِ دستار ہے یا اوجِ تخیل!

یہ بندِ قبا ہے کہ شگفتِ گُلِ ناہید

یہ سایۂ داماں ہے کہ پھیلا ہوا بادل

یہ صبحِ گریباں ہے کہ خمیازۂ خورشید

یہ دوش پہ چادر ہے کہ بخشش کی گھٹا ہے

یہ مہرِ نبوت ہے کہ نقشِ دلِ مہتاب

رخسار کی ضَو ہے کہ نمو صبحِ ازل کی

آنکھوں کی ملاحت ہے کہ روئے شبِ کم خواب

ہر نقشِ بدن اتنا مناسب ہے کہ جیسے

تزئینِ شب و روز کہ تمثیلِ مہ و سال

ملبوسِ کہن یوں شکن آلود ہے جیسے

ترتیب سے پہلے رُخِ ہستی کے خد و خال

رفتار میں افلاک کی گردش کا تصور

کردار میں شامل بنی ہاشم کی اَنا ہے

گفتار میں قرآں کی صداقت کا تیقُّن

معیار میں گردُوں کی بلندی کفِ پا ہے

وہ فکر کہ خود عقلِ بشر سَر بگریباں

وہ فقر کہ ٹھوکر میں ہے دنیا کی بلندی

وہ شکر کہ خالق بھی ترے شکر کا ممنون

وہ حُسن کہ یوسفؑ بھی کرے آئینہ بندی

وہ علم کہ قرآں تِری عِترت کا قصیدہ

وہ حِلم کہ دشمن کو بھی امیدِ کرم ہے

وہ صبر کہ شبیرؑ تری شاخِ ثمردار

وہ ضبط کہ جس ضبط میں عرفانِ اُمُم ہے

محسن نقوی

Best video editing tools

 There are several free video editing apps available that you can use to edit videos on your mobile device. Here are some of the best ones:

1. Adobe Premiere Rush: Adobe Premiere Rush is a powerful video editing app that offers a range of features such as multi-track timeline, color correction, and audio mixing. It is available for both iOS and Android devices 12.
2. InShot Video Editor: InShot Video Editor is a popular video editing app that offers features such as trimming, cutting, and merging videos, adding music and text, and applying filters. It is available for both iOS and Android devices 3.
3. Quik: Quik is a free video editing app developed by GoPro that allows you to create videos with ease. It offers features such as automatic video creation, adding music, and applying filters. It is available for both iOS and Android devices 4.
4. VivaVideo: VivaVideo is a popular video editing app that offers features such as trimming, cutting, and merging videos, adding music and text, and applying filters. It is available for both iOS and Android devices 5.
5. FilmoraGo: FilmoraGo is a free video editing app that offers features such as trimming, cutting, and merging videos, adding music and text, and applying filters. It is available for both iOS and Android devices 6.

I hope this helps!

Life of Elon Musk - revolutionary tech giant maker

 Elon Musk's key contributions to society are primarily centered around technological innovation and sustainability. Here are some of his notable contributions:

1. **Electric Vehicles (Tesla, Inc.)**: Musk co-founded Tesla, Inc. with the goal of accelerating the world's transition to sustainable energy. Tesla revolutionized the automotive industry by popularizing electric vehicles, producing high-performance electric cars like the Model S, Model 3, Model X, and Model Y.

2. **Space Exploration (SpaceX)**: As CEO and founder of SpaceX, Musk has played a pivotal role in advancing space exploration. SpaceX developed the Falcon and Starship rockets, drastically reducing the cost of space travel and increasing its accessibility. They've also been instrumental in launching satellites and cargo to the International Space Station (ISS).

3. **Solar Energy (SolarCity)**: Musk co-founded SolarCity, a solar energy services company, which aimed to make solar power more accessible and affordable for homeowners. The company focused on solar panel installation and solar energy systems.

4. **Energy Storage (Tesla Energy)**: Tesla Energy, a division of Tesla, Inc., develops energy storage solutions like the Powerwall, Powerpack, and Megapack, which store renewable energy for use during periods of high demand or when renewable sources are not generating.

5. **Neural Technology (Neuralink)**: Musk founded Neuralink, a neurotechnology company, with the mission of developing brain-computer interfaces (BCIs). This technology has the potential to address neurological conditions and create a direct link between the human brain and computers.

6. **Infrastructure (The Boring Company)**: Musk established The Boring Company to address urban congestion through the construction of underground transportation tunnels. Their vision is to create high-speed transportation systems, such as the Hyperloop.

7. **AI Safety and Ethics (OpenAI)**: Although not a direct venture of Musk, he has been involved in initiatives like OpenAI, an organization focused on the safe and ethical development of artificial intelligence.

8. **Advocacy for Climate Change Solutions**: Through his various companies and public statements, Musk has been a vocal advocate for sustainable energy and has actively worked to reduce the world's dependence on fossil fuels.

These contributions collectively have had a significant impact on industries ranging from automotive and aerospace to energy and neuroscience, pushing boundaries and shaping the future of technology and sustainability.

STEVE JOBS - LEGENDRY BUSINESS LEADER WHO TRANSFORMED INDUSTRY

 Steve Jobs, co-founder of Apple Inc., left behind a legacy filled with valuable lessons:

1. **Passion and Vision**: Steve Jobs was deeply passionate about creating innovative products. His vision for Apple transformed it into one of the most influential companies in the world.

2. **Focus on Design and User Experience**: He emphasized the importance of sleek design and intuitive user interfaces, showing that aesthetics matter in technology.

3. **Simplicity**: Jobs believed in simplicity and elegance. He strived to make complex technology user-friendly and accessible to everyone.

4. **Innovation and Risk-Taking**: Jobs was unafraid to take risks and challenge the status quo. This approach led to groundbreaking products like the iPhone and iPad.

5. **Perseverance**: He faced many setbacks in his career, including being ousted from Apple at one point. However, he never gave up and eventually returned to lead the company to new heights.

6. **Customer-Centric Approach**: Understanding and meeting the needs of customers was a cornerstone of Jobs' philosophy. He believed in creating products that people didn't even know they wanted.

7. **Attention to Detail**: Steve was known for his meticulous attention to even the smallest details of Apple products, ensuring they were of the highest quality.

8. **Constant Learning and Growth**: He was a lifelong learner and was always curious about new technologies and ideas. This willingness to adapt and learn contributed to his success.

9. **Marketing and Branding**: Jobs was a master of marketing. He knew how to create a compelling brand image and generate excitement around Apple's products.

10. **Embrace Failure**: Steve Jobs understood that failure is a natural part of innovation. He used setbacks as learning opportunities to improve and come back stronger.

11. **Demanding Excellence**: He had high expectations for himself and his team, pushing them to strive for excellence in everything they did.

12. **Legacy of Inspiration**: Jobs' life story continues to inspire countless individuals to pursue their passions, think differently, and strive for greatness.

Remember, while these lessons are valuable, it's important to adapt them to your own context and circumstances. Each person's journey is unique, and what worked for Steve Jobs may not always apply directly to everyone else's path in life.

 ‏اجڑے ہوئے لوگوں سے گریزاں نہ ہوا کر

حالات کی قبروں کے یہ کتبے بھی پڑھا کر

کیا جانئے کیوں تیز ہوا سوچ میں گم ہے

خوابیدہ پرندوں کو درختوں سے اڑا کر

اس شخص کے تم سے بھی مراسم ہیں تو ہوں گے

وہ جھوٹ نہ بولے گا مرے سامنے آ کر

ہر وقت کا ہنسنا تجھے برباد نہ کر دے

تنہائی کے لمحوں میں کبھی رو بھی لیا کر

وہ آج بھی صدیوں کی مسافت پہ کھڑا ہے

ڈھونڈا تھا جسے وقت کی دیوار گرا کر

اے دل تجھے دشمن کی بھی پہچان کہاں ہے

تو حلقۂ یاراں میں بھی محتاط رہا کر

اس شب کے مقدر میں سحر ہی نہیں محسنؔ

دیکھا ہے کئی بار چراغوں کو بجھا کر

محسن نقوی

 ‏ڈاکٹر پیر زادہ قاسم صاحب کی ایک خوبصورت غزل

اک سزا اور اسیروں کو سنا دی جائے

یعنی اب جرم اسیری کی سزا دی جائے

دست نادیدہ کی تحقیق ضروری ہے مگر

پہلے جو آگ لگی ہے وہ بجھا دی جائے

اس کی خواہش ہےکہ اب لوگ نہ روئیں نہ ہنسیں

بے حسی وقت کی آواز بنا دی جائے

صرف سورج کا نکلنا ہے اگر صبح تو پھر

ایک شب اور مری شب سے ملا دی جائے

اور اک تازہ ستم اس نے کیا ہے ایجاد

اس کو اس بار ذرا کھل کے دعا دی جائے

ڈاکٹر پیر زادہ قاسم

 ‏تو چھوڑ رہا ہے تو خطا اس میں تری کیا 

ہر شخص مرا ساتھ نبھا بھی نہیں سکتا 

پیاسے رہے جاتے ہیں زمانے کے سوالات 

کس کے لیے زندہ ہوں بتا بھی نہیں سکتا 

ویسے تو اک آنسو ہی بہا کر مجھے لے جائے 

ایسے کوئی طوفان ہلا بھی نہیں سکتا

 ‏یہ عجیب فصلِ فراق ہے

کہ نہ لب پہ حرفِ طلب کوئی

نہ اداسیوں کا سبب کوئی

نہ ہجومِ درد کے شوق میں

کوئی زخم اب کے ہَرا ہُوا

نہ کماں بدست عدُو ہُوئے

نہ ملامتِ صفِ دُوستاں

پہ یہ دل کسی سے خفا ہُوا

وہی ہم سخن ہے رفیقِ جاں

وہی ہم سخن جسے دل کہیں

وہ تو یوں بھی کب کا اُداس ہے

محسن نقوی

Best Starus

 ‏گرد ہے چاروں طرف، قافلہ کوئی نہیں 

فاصلوں کا شہر ہے، راستہ کوئی نہیں

ہر مکیں ہے اجنبی ہر نظر نا آشنا

ہم سفر ہیں ہر قدم، ہم نوا کوئی نہیں

URDU POETRY

 ‏مانتی ہوں تجھے عشق نہیں مجھ سے لیکن

 اس وہم سے اب کون نکالے مجھ کو

 سر کی کھائی ہوئی قسموں سے مکرنے والے

تو تو دیتا تھا حدیثوں کے حوالے مجھ کو

 ‏

تُمہارے شہر کا موسم بڑا سُہانا لگے

میں ایک شام چُرا لوں اگر بُرا نہ لگے

تُمہارے بس میں اگر ہو تو بُھول جاؤ ہمیں

تُمہیں بُھلانے میں شاید مُجھے زمانہ لگے

ہمارے پیار سے جلنے لگی ہے اِک دنیا

دُعا کرو کسی دشمن کی بد دُعا نہ لگے

نہ جانے کیا ہے کسی کی اُداس آنکھوں میں

وہ مُنہ چُھپا کے بھی جائے تو بے وفا نہ لگے

جو ڈوبنا ہے تو اتنے سکون سے ڈوبو

کہ آس پاس کی لہروں کو بھی پتا نہ لگے

تُو اِس طرح سے میرے ساتھ بے وفائی کر

کہ تیرے بعد مُجھے کوئی بے وفا نہ لگے

وہ پُھول جو میرے دامن سے ہو گئے منسوب

خدا کرے انہیں بازار کی ہوا نہ لگے

تم آنکھ مُوند کے پی جاؤ زندگی قیصرؔ

کہ ایک گھونٹ میں شاید یہ بدمزا نہ لگے

قیصرؔ الجعفری

 ‏گریز   شب   سے،  سحر   سے   کلام   رکھتے   تھے

کبھی وہ دن تھے کہ زلفوں میں شام  رکھتے  تھے

تمھارے  ہاتھ  لگے   ہیں  تو  جو   کرو   سو  کرو

وگرنہ  تم   سے   تو   ہم   سو  غلام   رکھتے  تھے

ہمیں  بھی  گھیر  لیا  گھر  کے  زعم  نے  تو  کھلا

کچھ اور  لوگ  بھی  اس  میں  کلام  رکھتے  تھے

یہ  اور   بات   ہے   ہمیں   دوستی   نہ   راس   آئی

ہوا  تھی  ساتھ   تو   خوشبو   مقام  رکھتے   تھے

نجانے  کون  سی  رت  سے  بچھڑ   گئے  وہ  لوگ

جو   اپنے  دل   میں    بہت   مقام    رکھتے   تھے

وہ  آ تو جاتا  کبھی  ہم  تو  اس  کے  رستوں پر

دیئے تو  جلائے  ہوئے  صبح  و  شام  رکھتے  تھے

نوشی گیلانی

 ‏تو نے دیکھا ہے کبھی ایک نظر شام کے بعد

کتنے چپ چاپ سے لگتے ہیں شجر شام کے بعد

اتنے چپ چاپ کہ رستے بھی رہیں گے لا علم

چھوڑ جائیں گے کسی روز نگر شام کے بعد

میں نے ایسے ہی گنہ تیری جدائی میں کئے

جیسے طوفاں میں کوئی چھوڑ دے گھر شام کے بعد

شام سے پہلے وہ مست اپنی اڑانوں میں رہا

جس کے ہاتھوں میں تھے ٹوٹے ہوئے پر شام کے بعد

رات بیتی تو گنے آبلے اور پھر سوچا

کون تھا باعث آغاز سفر شام کے بعد

تو ہے سورج تجھے معلوم کہاں رات کا دکھ

تو کسی روز مرے گھر میں اتر شام کے بعد

لوٹ آئے نہ کسی روز وہ آوارہ مزاج

کھول رکھتے ہیں اسی آس پہ در شام کے بعد

فرحت عباس شاہ

 ‏شام تک صبح کی نظروں سے اتر جاتے ہیں

اتنے سمجھوتوں پہ جیتے ہیں کہ مر جاتے ہیں

پھر وہی تلخئ حالات مقدر ٹھہری

نشے کیسے بھی ہوں کچھ دن میں اتر جاتے ہیں

اک جدائی کا وہ لمحہ کہ جو مرتا ہی نہیں

لوگ کہتے تھے کہ سب وقت گزر جاتے ہیں

گھر کی گرتی ہوئی دیواریں ہی مجھ سے اچھی

راستہ چلتے ہوئے لوگ ٹھہر جاتے ہیں

ہم تو بے نام ارادوں کے مسافر ہیں وسیمؔ

کچھ پتہ ہو تو بتائیں کہ کدھر جاتے ہیں

وسیم بریلوی

میں نے دیکھا تھا اُن دنوں میں اُسے

جب وہ کِھلتے گلاب جیسا تھا

اُس کی پلکوں سے نیند چَھنتی تھی

اُس کا لہجہ شراب جیسا تھا

اُس کی زلفوں سے بھیگتی تھی گھٹا

اُس کا رُخ ماہتاب جیسا تھا

لوگ پڑھتے تھے خال و خد اُس کے

وہ ادب کی کتاب جیسا تھا

بولتا تھا زبان خوشبو کی

لوگ سنتے تھے دھڑکنوں میں اُسے

میں نے دیکھا تھا اُن دنوں میں اُسے

ساری آنکھیں تھیں آئینے اُس کے

سارے چہروں میں انتخاب تھا وہ

سب سے گھل مل کے اجنبی رہنا

ایک دریا نما سراب تھا وہ

خواب یہ ہے کہ وہ حقیقت تھا

یہ حقیقت ہے، کوئی خواب تھا وہ

دل کی دھرتی پہ آسماں کی طرح

صورتِ سایہ و سحاب تھا وہ

اپنی نیندیں اُسی کی نذر ہوئیں

میں نے پایا تھا رتجگوں میں اُسے

یہ مگر دیر کی کہانی ہے

یہ مگر دور کا فسانہ ہے

اُس کے میرے ملاپ میں حائل

اب تو صدیوں بھرا زمانہ ہے

اب تو یوں ہے کہ حال اپنا بھی

دشتِ ہجراں کی شام جیسا ہے

کیا خبر اِن دنوں وہ کیسا ہے؟

محسن نقوی

 ‏ہمارا کیا ہے کہ ہم تو چراغ ِ شب کی طرح

اگر جلے بھی تو بس اتنی روشنی ہو گی

کہ جیسے تند اندھیروں کی راہ میں جگنو

ذرا سی دیر کو چمکے، چمک کے کھو جائے

پھر اس کے بعد کسی کو نہ کچھ سمجھائی دے

نہ شب کٹے نہ سراغ سحر دکھائی دے

 محسنؔ نقوی

 ‏مرجھا کے کالی جھیل میں گرتے ہوئے بھی دیکھ

سورج ہوں، میرا رنگ مگر دن ڈھلے بھی دیکھ

ہر چند راکھ ہو کے بکھرنا ہے راہ میں

جلتے ہوئے پروں سے اڑا ہوں مجھے بھی دیکھ

عالم میں جس کی دھوم تھی اس شاہکار پر

دیمک نے جو لکھے کبھی وہ تبصرے بھی دیکھ

تو نے کہا نہ تھا کہ میں کشتی پہ بوجھ ہوں

آنکھوں کو اب نہ ڈھانپ مجھے ڈوبتے بھی دیکھ

بچھتی تھیں جس کی راہ میں پھولوں کی چادریں

اب اس کی خاک گھاس کے پیروں تلے بھی دیکھ

کیا شاخ باثمر ہے جو تکتا ہے فرش کو

نظریں اٹھا شکیبؔ کبھی سامنے بھی دیکھ

شکیب جلالی

 ‏مری زیست پُر مسرت کبھی تھی نہ ہے نہ ہو گی 

کوئی بہتری کی صورت کبھی تھی نہ ہے نہ ہو گی

وہ جو بے رخی کبھی تھی وہی بے رخی ہے اب تک 

مرے حال پر عنایت کبھی تھی نہ ہے نہ ہو گی 

وہ جو حکم دیں بجا ہے ، مرا ہر سخن خطا ہے 

انہیں میری رو رعایت کبھی تھی نہ ہے نہ ہو گی 

جو ہے گردشوں نے گھیرا، تو نصیب ہے وہ میرا 

مجھے آپ سے شکایت کبھی تھی نہ ہے نہ ہو گی 

ترے در سے بھی نباہے ، در غیر کو بھی چاہے 

مرے سر کو یہ اجازت کبھی تھی نہ ہے نہ ہو گی 

ترا نام تک بھلا دوں ، تری یاد تک مٹا دوں 

مجھے اس طرح کی جرأت کبھی تھی نہ ہے نہ ہو گی

 

میں یہ جانتے ہوئے بھی ، تری انجمن میں آیا 

کہ تجھے مری ضرورت کبھی تھی نہ ہے نہ ہوگی

 

تو اگر نظر ملائے ، مرا دم نکل ہی جائے 

تجھے دیکھنے کی ہمت کبھی تھی نہ ہے نہ ہوگی 

ترا حسن ہے یگانہ ، ترے ساتھ ہے زمانہ 

مرے ساتھ میری قسمت کبھی تھی نہ ہے نہ ہو گی 

یہ کرم ہے دوستوں کا، وہ جو کہہ رہے ہیں سب سے 

کہ نصیرؔ پر عنایت کبھی تھی نہ ہے نہ ہو گی

پیر نصیر الدین شاہ نصیر رحمتہ اللہ

محسن نقوی

 ‏کچھ ذکر کرو اُس موسم کا جب رم جھم رات رسیلی تھی

جب صُبح کا رُوپ رُو پہلا تھا جب شام بہت شرمیلی تھی

جب پھول مہکتی راہوں پر قدموں سے گجر بج اُٹھتے تھے

جب تن میں سانس کے سرگم کی ہر دیپک تان سُریلی تھی

جب خواب سراب جزیروں میں خوش فہم نظر گھُل جاتی تھی

جب پیار پوَن کے جھونکوں سے ہر یاد کی موج تشیلی تھی

اَمرت کی مہک تھی باتوں میں نفرت کے شرر تھے پلکوں پر

وہ ہونٹ نہایت میٹھے تھے وہ آنکھ بہت زہریلی تھی   

محسن اُس شہر میں مرنے کو اَب اس کے سوا کچھ یاد نہیں

کچھ زہر تھا شہر کے پانی میں کچھ خاک کی رنگت نیلی تھی

محسن نقوی

 

کبھی ہم خُوب صُورت تھے 

کتابوں میں بَسی 

خُوشبو کی صُورت 

سانس ساکِن تھی 

بہت سے اَن کہے لفظوں سے 

تصویریں بناتے تھے 

پرندوں کے پروں پر نظم لکھ کر 

دُور کی جھیلوں میں بسنے والے 

لوگوں کو سُناتے تھے 

جو ہم سے دُور تھے لیکن 

ہمارے پاس رہتے تھے 

نئے دِن کی مُسافت 

جب کِرن کے ساتھ 

آنگن میں اُترتی تھی 

تو ہم کہتے تھے 

اَمی تِتلیوں کے پَر 

بہت ہی خُوب صُورت ہیں

 

ہمیں ماتھے پہ بوسہ دو 

کہ ہم کو تتلیوں کے 

جگنوؤں کے دیس جانا ہے 

ہمیں رنگوں کے جُگنو 

روشنی کی تتلیاں آواز دیتی ہیں 

نئے دِن کی مُسافت 

رنگ میں ڈُوبی ھََوا کے ساتھ 

کِھڑکی سے بُلاتی ہے

ہمیں ماتھے پہ بوسہ دو 

ہمیں ماتھے پہ بوسہ دو 

"احمّد شمیم"

 ‏یا رب غم ہجراں میں اتنا تو کیا ہوتا

جو ہاتھ جگر پر ہے، وہ دست دعا ہوتا

ایک عشق کا غم آفت اور اس پہ یہ دل آفت

یا دل نہ دیا ہوتا، یا غم نہ دیا ہوتا

غیروں سے کہا تم نے، غیروں سے سنا تم نے

کچھ ہم سے کہا ہوتا، کچھ ہم سے سنا ہوتا

امید تو بندھ جاتی، تسکین تو ہو جاتی

وعدہ نہ وفا کرتے، وعدہ تو کیا ہوتا

ناکام تمنا دل اس سوچ میں رہتا ہے

یوں ہوتا تو کیا ہوتا، یوں ہوتا تو کیا ہوتا

چراغ حسن حسرت

 ‏سبھی کچھ ہے تیرا دیا ہوا سبھی راحتیں سبھی کلفتیں

کبھی صحبتیں کبھی فرقتیں کبھی دوریاں کبھی قربتیں

یہ سخن جو ہم نے رقم کیے یہ ہیں سب ورق تری یاد کے

کوئی لمحہ صبح وصال کا کوئی شام ہجر کی مدتیں

جو تمہاری مان لیں ناصحا تو رہے گا دامن دل میں کیا

نہ کسی عدو کی عداوتیں نہ کسی صنم کی مروتیں

چلو آؤ تم کو دکھائیں ہم جو بچا ہے مقتل شہر میں

یہ مزار اہل صفا کے ہیں یہ ہیں اہل صدق کی تربتیں

مری جان آج کا غم نہ کر کہ نہ جانے کاتب وقت نے

کسی اپنے کل میں بھی بھول کر کہیں لکھ رکھی ہوں مسرتیں

فیض احمد فیض

 ‏فیض احمد فیض:

ہم کہ ٹھہرے اجنبی اتنی مداراتوں کے بعد

پھر بنیں گے آشنا کتنی ملاقاتوں کے بعد

کب نظر میں آئے گی بے داغ سبزے کی بہار

خون کے دھبے دھلیں گے کتنی برساتوں کے بعد

تھے بہت بے درد لمحے ختمِ درد عشق کے

تھیں بہت بے مہر صبحیں مہرباں راتوں کے بعد

دل تو چاہا پر شکستِ دل نے مہلت ہی نہ دی

کچھ گلے شکوے بھی کر لیتے مناجاتوں کے بعد

ان سے جو کہنے گئے تھے فیض جاں صدقہ کیئے

ان کہی ہی رہ گئی وہ بات سب باتوں کے بعد

 ‏تو کوزہ گر ہے اگر چاک سے اتار مجھے

مگر یہ شرط ہے پہلے ذرا سنوار مجھے

گزر گیا ہے جو اک موجۂ ہوا کی طرح

جدا نہ ہوتا نہ کرتا وہ سوگوار مجھے

کھلے شگوفے مگر پھول بھی نہ بن پائے

اداس کر گیا یہ موسمِ بہار مجھے

وہ ایک شخص جو دل میں سما گیا تھا حسٓن

اسی کے ذکر سے ملتا ہے اب قرار مجھے

شاعر۔ حسن عسکری کاظمی

 ‏اور آہستہ کیجیے باتیں

دَھڑکنیں کوئی سُن رہا ہو گا

لفظ گِرنے نہ پائیں ہونٹوں سے

وقت کے ہاتھ اُن کو چُن لیں گے

کان رکھتے ہیں یہ در و دیوار

راز کی ساری بات سُن لیں گے۔

اور آہستہ کیجیے باتیں

دَھڑکنیں کوئی سُن رہا ہو گا

آئیے بند کر لیں دروازے

رات سَپنے چُرا نہ لے جائے

کوئی جَھونکا ہوا کا آوارہ

دِِل کی باتوں کو اُڑا نہ لے جائے۔

اور آہستہ کیجیے باتیں

دَھڑکنیں کوئی سُن رہا ہو گا

ایسے بولو کہ دِل کا افسانہ

دِل سُنے اور نِگاہ دُہرائے

اپنے چاروں طرف کی یہ دُنیا

سانس کا شور بھی نہ سُن پائے

اور آہستہ کیجیے باتیں

دَھڑکنیں کوئی سُن رہا ہو گا

ظفرؔ گورکھپوری

 ‏خشک آنکھوں سے کہاں طے یہ مسافت ہوگی 

دل کو سمجھایا تھا اشکوں کی ضرورت ہوگی 

رنگ محلوں کے حسیں خواب سے بچ کر رہنا 

ہے خبر گرم کہ خوابوں کی تجارت ہوگی 

میری تنہائی سکوں دینے لگی ہے مجھ کو 

اس سے مت کہنا سنے گا تو ندامت ہوگی 

طارق قمر

‏

یہ جمال کیا یہ جلال کیا یہ عروج کیا یہ زوال کیا

وہ جو پیڑ جڑ سے اکھڑ گیا اسے موسموں کا ملال کیا

وہ جو لمحہ لمحہ بکھر گیا وہ جو اپنی حد سے گزر گیا

اسے فکر شام و سحر ہو کیا اسے رنجش مہ و سال کیا

وہ جو بے نیاز سا ہو گیا وہ جو ایک راز سا ہو گیا

جسے کچھ غرض ہی نہیں رہی اسے دست حرف سوال کیا

ہوا ریزہ ریزہ جو دل ترا اسے جوڑ جوڑ کے مت دکھا

وہ جو اپنے حسن میں مست ہے اسے آئنے کا خیال کیا

وہی ہجر رات کی بات ہے وہی چاند تاروں کا ساتھ ہے

جو فراق سے ہوا آشنا اسے آرزوئے وصال کیا

کسی اور سے کریں کیوں گلہ ہمیں اپنے آپ سے دکھ ملا

وہ جو درد دل سے ہو آشنا اسے دنیا بھر کا وبال کیا

وہی گرد گرد غبار ہے وہی چاروں اور فشار ہے

وہ جو خود کو بھی نہیں جانتا وہ ہو میرا واقف حال کیا

اسے سعدؔ کیسا بتائیں ہم اسے کس سے جا کے ملائیں ہم

وہ تو خود سراپا مثال ہے یہ گلاب کیا یہ غزال کیا

سعداللہ شاہ

 ‏تم پوچھو اور میں نہ بتاؤں ایسے تو حالات نہیں

ایک  ذرا  سا  دل  ٹوٹا  ہے  اور تو کوئی بات نہیں

 

کس کو خبر تھی سانولے بادل بن برسے اڑ جاتے ہیں

ساون  آیا  لیکن  اپنی  قسمت  میں  برسات  نہیں

ٹوٹ گیا جب دل تو پھر یہ سانس کا نغمہ کیا معنی

گونج رہی ہے کیوں شہنائی جب کوئی بارات نہیں

غم کے اندھیارے میں تجھ کو اپنا ساتھی کیوں سمجھوں

تو  پھر  تو  ہے  میرا  تو  سایہ  بھی  میرے  ساتھ  نہیں

مانا  جیون  میں  عورت  اک  بار  محبت  کرتی ہے

لیکن مجھ کو یہ تو بتا دے کیا تو عورت ذات نہیں

ختم  ہوا  میرا  فسانہ  اب  یہ  آنسو پونچھ بھی لو

جس میں کوئی تارا چمکے آج کی رات وہ رات نہیں

میرے غمگیں ہونے پر احباب ہیں یوں حیران قتیلؔ

جیسے میں پتھر ہوں میرے سینے میں جذبات نہیں

قتیل شفائی

 ‏جون ایلیاء ....

نیا اک رشتہ پیدا کیوں کریں ہم 

بچھڑنا ہے تو جھگڑا کیوں کریں ہم 

 

خموشی سے ادا ہو رسمِ دوری 

کوئی ہنگامہ برپا کیوں کریں ہم  

یہ کافی ہے کہ ہم دشمن نہیں ہیں 

وفاداری کا دعویٰ کیوں کریں ہم  

وفا، اخلاص، قربانی،مرو ّت 

اب ان لفظوں کا پیچھا کیوں کریں ہم  

سنا دیں عصمتِ مریم کا قصّہ؟ 

پر اب اس باب کو وا کیوں کریں ہم  

زلیخائے عزیزاں بات یہ ہے 

بھلا گھاٹے کا سودا کیوں کری ہم  

ہماری ہی تمنّا کیوں کرو تم 

تمہاری ہی تمنا کیوں کریں ہم  

کیا تھا عہد جب لمحوں میں ہم نے 

تو ساری عمر ایفا کیوں کریں ہم  

اُٹھا کر کیوں نہ پھینکیں ساری چیزیں 

فقط کمروں میں ٹہلا کیوں کریں ہم  

جو اک نسل فرومایہ کو پہنچے 

وہ سرمایہ اکٹھا کیوں کریں ہم

  

نہیں دُنیا کو جب پروا ہماری 

تو پھر دُنیا کی پروا کیوں کریں ہم

  

برہنہ ہیں سرِبازار تو کیا 

بھلا اندھوں سے پردہ کیوں کریں ہم 

 

ہیں باشندے اسی بستی کے ہم بھی 

سو خود پر بھی بھروسا کیوں کریں ہم

  

چبا لیں کیوں نہ خود ہی اپنا ڈھانچہ 

تمہیں راتب مہیا کیوں کریں ہم

  

پڑی رہنے دو انسانوں کی لاشیں 

زمیں کا بوجھ ہلکا کیوں کریں ہم  

یہ بستی ہے مسلمانوں کی بستی 

یہاں کارِ مسیحا کیوں کریں ہم....

 ‏اس روز جو ان کو دیکھا ھے 

اب خواب کا عالم لگتا ھے 

اس روز جو اُن سے بات ھُوئی 

وہ بات بھی تھی افسانہ کیا ؟

اُس حسن کے سچے موتی کو 

ھم دیکھ سکیں پر چُھو نہ سکیں 

جسے دیکھ سکیں پر چُھو نہ سکیں 

وہ دولت کیا ، وہ خزانہ کیا 

"اِبنِ انشاء"

 ‏شبنم ہے کہ دھوکا ہے کہ جھرنا ہے کہ تم ہو

دل دشت میں اک پیاس تماشہ ہے کہ تم ہو

اک لفظ میں بھٹکا ہوا شاعر ہے کہ میں ہوں

اک غیب سے آیا ہوا مصرع ہے کہ تم ہو

دروازہ بھی جیسے مری دھڑکن سے جڑا ہے

دستک ہی بتاتی ہے پرایا ہے کہ تم ہو

اک دھوپ سے الجھا ہوا سایہ ہے کہ میں ہوں

اک شام کے ہونے کا بھروسہ ہے کہ تم ہو

میں ہوں بھی تو لگتا ہے کہ جیسے میں نہیں ہوں

تم ہو بھی نہیں اور یہ لگتا ہے کہ تم ہو

احمد سلمان

 ‏ہے جس کے ہات میں پتھر اُسے گماں بھی نہیں

کہ  فکرِ  آئینۂ  جسم و جاں ،  یہاں  بھی  نہیں

جو بات تیری نظر میں ہے اور مرے دل میں

اگر  زباں  پہ  نہ  آئے  تو  رائیگاں بھی نہیں

اب  اُس  نے  وقت  نکالا  ہے  حال سننے کو

بیان کرنے کو جب کوئی داستاں بھی نہیں

وہ دل سے سرسری گزرا، کرم کیا اُس نے

کہ رہنے کا متحّمل تو یہ مکاں بھی نہیں

زمیں  پیروں  سے  نکلی  تو  یہ  ہوا معلوم

ہمارے سر پہ کئی دن سے آسماں بھی نہیں

سفر میں چلتے نہیں عام زندگی کے اُصول

وہ ہم قدم ہے مرا جو مزاج داں بھی نہیں

نہیں   پسند  کوئی  بے   توجہی  اُس  کو

اور اپنے چاہنے والوں پہ مہرباں بھی نہیں

مرے ہی گھر میں اندھیرا نہیں ہے صرف جمال

کوئی  چراغ فروزاں  کسی  کے  ہاں  بھی نہیں

 

جمالؔ احسانی

 ‏چاند سے چہرے کا صدقہ بھی اُتارا کیجے

مشورہ  ہے  یہ  میری  جان!  گوارا  کیجے

ہم تُمہیں ایک نَظَر بھی نہیں اچھّے لگتے

ارے کیجئے جان یہی بات دوبارا کیجے

روشنی دِن کی اندھیروں میں سِمَٹ جاتی ہے

گھر  کے  آنگن  میں  نہ یُوں بال سنوارا کیجے

ہم تو یہ جان ہتھیلی پہ لئے پِھرتے ہیں

بَس کِسی دِن ہمیں ہلکا سا اِشارا کیجے

آپ تو مَحل نشِیں نرم مُلائم سے ہیں

جھونپڑی ہے یہ غریبوں کی گُزارا کیجے 

ہم تو راہوں میں لیے پھرتے ہیں کاسہِ دِل

حال  کیسا  ہے  کِسی  روز  نظارا  کیجے...

شاعر:  افضل عاجز

 ‏فیض احمد فیض ❤️

کب یاد میں تیرا ساتھ نہیں کب ہات میں تیرا ہات نہیں 

صد شکر کہ اپنی راتوں میں اب ہجر کی کوئی رات نہیں 

مشکل ہیں اگر حالات وہاں دل بیچ آئیں جاں دے آئیں 

دل والو کوچۂ جاناں میں کیا ایسے بھی حالات نہیں 

جس دھج سے کوئی مقتل میں گیا وہ شان سلامت رہتی ہے 

یہ جان تو آنی جانی ہے اِس جاں کی تو کوئی بات نہیں 

میدانِ وفا دربار نہیں یاں نام و نسب کی پوچھ کہاں 

عاشق تو کسی کا نام نہیں کُچھ عِشق کسی کی ذات نہیں 

گر بازی عشق کی بازی ہے جو چاہو لگا دو ڈر کیسا 

گر جیت گئے تو کیا کہنا ہارے بھی تو بازی مات نہیں

 ‏وہ دن گیا جب کہ ہر ستم کو،،

ادائے محبوب سمجھ کے چپ تھے،،

اٹَھے گی ہم پر جو اینٹ کوئی۔۔۔

تو پتھر اسکا جواب ہو گا۔۔۔۔۔۔

سکون صحرا میں بسنے والو۔۔

ذرا رتوں کا مزاج سمجھو۔۔

جو آج کا دن سکوں سے گزرا۔۔

تو کل کا موسم خراب ہو گا

 ‏کتاب سادہ رہے گی کب تک؟؟

کبھی تو آغاز باب ہو گا۔۔۔

جنہوں نے بستی اجاڑ ڈالی،،

کبھی تو انکا حساب ہوگا۔۔۔۔

سحر کی خوشیاں منانے والو۔۔

سحر کے تیور بتا رہے ہیں۔۔۔

ابھی تو اتنی گھٹن بڑھے گی،،

کہ سانس لینا عذاب ہو گا۔۔۔۔۔

۔۔۔

 ‏کبھی ان کا نام لینا کبھی ان کی بات کرنا

مرا ذوق ان کی چاہت مرا شوق ان پہ مرنا

وہ کسی کی جھیل آنکھیں وہ مری جنوں مزاجی

کبھی ڈوبنا ابھر کر کبھی ڈوب کر ابھرنا

ترے منچلوں کا جگ میں یہ عجب چلن رہا ہے

نہ کسی کی بات سننا، نہ کسی سے بات کرنا

شب غم نہ پوچھ کیسے ترے مبتلا پہ گزری

کبھی آہ بھر کے گرنا کبھی گر کے آہ بھرنا

وہ تری گلی کے تیور، وہ نظر نظر پہ پہرے

وہ مرا کسی بہانے تجھے دیکھتے گزرنا

کہاں میرے دل کی حسرت، کہاں میری نارسائی

کہاں تیرے گیسوؤں کا، ترے دوش پر بکھرنا

چلے لاکھ چال دنیا ہو زمانہ لاکھ دشمن

جو تری پناہ میں ہو اسے کیا کسی سے ڈرنا

وہ کریں گے نا خدائی تو لگے گی پار کشتی

ہے نصیرؔ ورنہ مشکل، ترا پار یوں اترنا

پیر نصیر الدین نصیر رح

 ‏میں نے ایک اور بھی محفل میں انہیں دیکھا ہے

یہ جو تیرے نظر آتے ہیں یہ سب تیرے نہیں

۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ 

افتخار عارف

یہ کیا کہ خاک ہوئے ہم جہاں وہیں کے نہیں

جو ہم یہاں کے نہیں ہیں تو پِھر کہیں کے نہیں

وفا سرشت میں ہوتی تو سامنے آتی

وہ کیا فلک سے نبھائیں گے جو زمیں کے نہیں

تیری شوریدہ مزاجی کے سبب تیرے نہیں

اے مرے شہر ترے لوگ بھی اب تیرے نہیں

میں نے ایک اور بھی محفل میں انہیں دیکھا ہے

یہ جو تیرے نظر آتے ہیں یہ سب تیرے نہیں

یہ بہر لحظہ نئی دُھن پہ تھرکتے ہوئے لوگ

کس کو معلوم یہ کب تیرے ہیں کب تیرے نہیں

 ‏کون آئے گا یہاں کوئی نہ آیا ہو گا

میرا دروازہ ہواؤں نے ہلایا ہو گا

دل ناداں نہ دھڑک اے دل ناداں نہ دھڑک

کوئی خط لے کے پڑوسی کے گھر آیا ہو گا

اس گلستاں کی یہی ریت ہے اے شاخ گل

تو نے جس پھول کو پالا وہ پرایا ہو گا

دل کی قسمت ہی میں لکھا تھا اندھیرا شاید

ورنہ مسجد کا دیا کس نے بجھایا ہو گا

گل سے لپٹی ہوئی تتلی کو گرا کر دیکھو

آندھیو تم نے درختوں کو گرایا ہو گا

کھیلنے کے لیے بچے نکل آئے ہوں گے

چاند اب اس کی گلی میں اتر آیا ہو گا

کیفؔ پردیس میں مت یاد کرو اپنا مکاں

اب کے بارش نے اسے توڑ گرایا ہو گا

کیف بھوپالی

حمد فراز صاحب ر ❤️

سنا ہے لوگ اسے آنکھ بھر کے دیکھتے ہیں

سو اس کے شہر میں کچھ دن ٹھہر کے دیکھتے ہیں

سنا ہے ربط ہے اس کو خراب حالوں سے

سو اپنے آپ کو برباد کر کے دیکھتے ہیں

سنا ہے درد کی گاہک ہے چشم ناز اس کی

سو ہم بھی اس کی گلی سے گزر کے دیکھتے ہیں

سنا ہے اس کو بھی ہے شعر و شاعری سے شغف

سو ہم بھی معجزے اپنے ہنر کے دیکھتے ہیں

سنا ہے بولے تو باتوں سے پھول جھڑتے ہیں

یہ بات ہے تو چلو بات کر کے دیکھتے ہیں

سنا ہے رات اسے چاند تکتا رہتا ہے

ستارے بام فلک سے اتر کے دیکھتے ہیں

سنا ہے دن کو اسے تتلیاں ستاتی ہیں

سنا ہے رات کو جگنو ٹھہر کے دیکھتے ہیں

سنا ہے حشر ہیں اس کی غزال سی آنکھیں

سنا ہے اس کو ہرن دشت بھر کے دیکھتے ہیں

سنا ہے رات سے بڑھ کر ہیں کاکلیں اس کی

سنا ہے شام کو سائے گزر کے دیکھتے ہیں

سنا ہے اس کی سیہ چشمگی قیامت ہے

سو اس کو سرمہ فروش آہ بھر کے دیکھتے ہیں

سنا ہے اس کے لبوں سے گلاب جلتے ہیں

سو ہم بہار پہ الزام دھر کے دیکھتے ہیں

سنا ہے آئنہ تمثال ہے جبیں اس کی

جو سادہ دل ہیں اسے بن سنور کے دیکھتے ہیں

سنا ہے اس کے بدن کی تراش ایسی ہے

کہ پھول اپنی قبائیں کتر کے دیکھتے ہیں

بس اک نگاہ سے لٹتا ہے قافلہ دل کا

سو رہروان تمنا بھی ڈر کے دیکھتے ہیں

سنا ہے اس کے شبستاں سے متصل ہے بہشت

مکیں ادھر کے بھی جلوے ادھر کے دیکھتے ہیں

رکے تو گردشیں اس کا طواف کرتی ہیں

چلے تو اس کو زمانے ٹھہر کے دیکھتے ہیں

کسے نصیب کہ بے پیرہن اسے دیکھے

کبھی کبھی در و دیوار گھر کے دیکھتے ہیں

کہانیاں ہی سہی سب مبالغے ہی سہی

اگر وہ خواب ہے تعبیر کر کے دیکھتے ہیں

اب اس کے شہر میں ٹھہریں کہ کوچ کر جائیں

فرازؔ آؤ ستارے سفر کے دیکھتے ہیں

 ‏مرے چمن میں بہاروں کے پھول مہکیں گے

مجھے یقیں ہے شراروں کے پھول مہکیں گے

کبھی تو دیدہ نرگس میں روشنی ہو گی

کبھی تو اجڑے دیاروں کے پھول مہکیں گے

تمھاری زلف پریشاں کی آبرو کے لئے 

کئی ادا سے چناروں کے پھول مہکیں گے

چمک ہی جائے گی شبنم لہو کی بوندوں سے

روش روش پہ ستاروں کے پھول مہکیں گے

ہزاروں موجِ تمنّا صدف اُچھالے گی

تلاطموں سے کناروں کے پھول مہکیں گے

یہ کہہ رہی ہیں فضائیں بہار کی ساغر

جگر فروز اشاروں کے پھول مہکیں گے

ساغر صدیقی

از:-کلیاتِ ساغر ص ۱۳۷

 ‏دردِ دل یار رہا درد سے یاری نہ گئی 

زندگی ہم سے تو بے لطف گزاری نہ گئی

دن کے نالے نہ گئے رات کی زاری نہ گئی 

نہ گئی دل سے کبھی یاد تمہاری نہ گئی

ہم تو خوں گشتہ تمناؤں کے ماتم میں رہے 

سینہ کوبی نہ گئی سینہ فگاری نہ گئی

انتظار آپ کا کب لطف سے خالی نکلا 

رائیگاں رات کسی روز ہماری نہ گئی

بخشوایا مجھے تم نے تو خدا نے بخشا 

نہ گئی روزِ جزا بات تمہاری نہ گئی

لوگ کہتے ہیں بدلتا ہے زمانہ لیکن 

دن ہمارا نہ گیا رات ہماری نہ گئی

مبارک عظیم آبادی

 ‏روز تاروں کو نمائش میں خلل پڑتا ہے

چاند پاگل ہے اندھیرے میں نکل پڑتا ہے

ایک دیوانہ مسافر ہے مری آنکھوں میں

وقت بے وقت ٹھہر جاتا ہے چل پڑتا ہے

اپنی تعبیر کے چکر میں مرا جاگتا خواب

روز سورج کی طرح گھر سے نکل پڑتا ہے

روز پتھر کی حمایت میں غزل لکھتے ہیں

روز شیشوں سے کوئی کام نکل پڑتا ہے

اس کی یاد آئی ہے سانسو ذرا آہستہ چلو

دھڑکنوں سے بھی عبادت میں خلل پڑتا ہے

راحت اندوری

 ‏بارش کی برستی بوندوں نے

جب دستک دی دروازے پر

محسوس ہوا ۔۔۔۔ تم آئے ہو

انداز تمھارے جیسا تھا

ہوا کے ہلکے جھونکے کی

جب آہٹ پائی کھڑکی پر

محسوس ہوا ۔۔ تم گزرے ہو

احساس تمھارے جیسا تھا

میں نے جو گرتی بوندوں کو

جب روکنا چاہا ہاتھوں پر

اک سرد سا پھر احساس ہوا

وہ لمس تمھارے جیسا تھا

تنہا میں چلا جب بارش میں

تب اک جھونکے نے ساتھ دیا

میں سمجھا تم ہو ساتھ میرے

وہ ساتھ تمھارے جیسا تھا

پھر رک سی گئی وہ بارش بھی

باقی نہ رہی اک آہٹ بھی

میں سمجھا مجھے تم چھوڑ گئے

انداز تمھارے جیسا تھا

 ‏یہ بارشیں بھی تُم سی ھیں

جو برس گئیں تو بہار ھیں

جو ٹھہر گئیں تو قرار ھیں

کبھی آ گئیں یونہی بے سبب

کبھی چھا گئیں یونہی روز و شب

کبھی شور ھیں کبھی چُپ سی ھیں

کبھی بُوند بُوند میں غم سی ھیں

یہ بارشیں بھی تُم سی ھیں

زندگی سے بڑی سزا ہی نہیں

اور کیا جرم ہے پتا ہی نہیں

اتنے حصوں میں بٹ گیا ہوں میں

میرے حصے میں کچھ بچا ہی نہیں

زندگی موت تیری منزل ہے

دوسرا کوئی راستہ ہی نہیں

سچ گھٹے یا بڑھے تو سچ نہ رہے

جھوٹ کی کوئی انتہا ہی نہیں

زندگی اب بتا کہاں جائیں

زہر بازار میں ملا ہی نہیں

جس کے کارن فساد ہوتے ہیں

اس کا کوئی اتا پتا ہی نہیں

چاہے سونے کے فریم میں جڑ دو

آئینہ جھوٹ بولتا ہی نہیں

اسے اپنے فردا کی فکر تھی، جو میرا واقفِ حال تھا

وہ جو اس کی صبحِ عروج تھی، وہی میرا وقتِ زوال تھا

میرا درد کیسے وہ جانتا، میری بات کیسے وہ مانتا

وہ تو خود فنا کے سفر میں تھا، اُسے روکنا بھی محال تھا

کہاں جاؤ گے مجھے چھوڑ کر، میں یہ پوچھ پوچھ کے تھک گیا

وہ جواب مجھ کو نہ دے سکا، وہ خود سراپا سوال تھا

وہ جو اس کے سامنے آگیا، وہی روشنی میں نہا گیا

عجب اس کی ہیبتِ حسن تھی، عجب اس کا رنگِ جمال تھا

دمِ واپسی اسے کیا ہوا، نہ وہ روشنی نہ وہ تازگی

وہ ستارہ کیسے بکھر گیا، وہ تو آپ اپنی مثال تھا

وہ ملا تو صدیوں کے بعد بھی، میرے لب پہ کوئی گلہ نہ تھا

اُسے میری چپ نے رلا دیا، جسے گفتگو میں کمال تھا

میرے ساتھ لگ کے وہ رو دیا، اور مجھے فقط اتنا وہ کہہ سکا

جسے جانتا تھا میں زندگی، وہ تو صرف وہم و خیال تھا

 ‏فرض کرو ہم اہلِ وفا ہوں

فرض کرو دیوانے ہوں

فرض کرو یہ دونوں باتیں

جُھوٹی ھوں افسانے ہوں

فرض کرو یہ جی کی بپتا

جی سے جوڑ سنائی ہو 

فرض کرو ابھی اور ہو اُتنی

آدھی ہم نے چُھپائی ہو 

فرض کرو تمہیں خوش کرنے کے

ڈھونڈے ہم نے بہانے ہوں

فرض کرو یہ نین تمہارے

سَچ مُچ کے میخانے ہوں

 ‏اِک بیر، نہ اِک مہر، نہ اِک ربط نہ رشتہ 

تیرا کوئی اپنا، نہ پرایا کوئی میرا 

مانا کہ یہ سنسان گھڑی سخت کڑی ہے 

لیکن میرے دل یہ تو فقط ایک ہی گھڑی ہے 

ہمت کرو جینے کو تو اِک عمر پڑی ہے

فیض احمد فیض ♥️

Shakir Shuja abadi

 ‏اساں اجڑے لوک مقدراں دے

ویران نصیب دا حال نہ پچھ

توں شاکر آپ سیانا ایں

ساڈا چہرہ پڑھ حالات نہ پچھ

شاکر شجاع آبادی

 ‏جب ترا حکم ملا ترک محبت کر دی

دل مگر اس پہ وہ دھڑکا کہ قیامت کر دی

تجھ سے کس طرح میں اظہار تمنا کرتا

لفظ سوجھا تو معانی نے بغاوت کر دی

میں تو سمجھا تھا کہ لوٹ آتے ہیں جانے والے

تو نے جا کر تو جدائی مری قسمت کر دی

تجھ کو پوجا ہے کہ اصنام پرستی کی ہے

میں نے وحدت کے مفاہیم کی کثرت کر دی

مجھ کو دشمن کے ارادوں پہ بھی پیار آتا ہے

تری الفت نے محبت مری عادت کر دی

پوچھ بیٹھا ہوں میں تجھ سے ترے کوچے کا پتہ

تیرے حالات نے کیسی تری صورت کر دی

کیا ترا جسم ترے حسن کی حدت میں جلا

راکھ کس نے تری سونے کی سی رنگت کر دی

احمد ندیم قاسمی

Parveen Shakir

 ‏کمال ضبط کو خود بھی تو آزماؤں گی

میں اپنے ہاتھ سے اس کی دلہن سجاؤں گی

سپرد کر کے اسے چاندنی کے ہاتھوں میں

میں اپنے گھر کے اندھیروں کو لوٹ آؤں گی

بدن کے کرب کو وہ بھی سمجھ نہ پائے گا

میں دل میں روؤں گی آنکھوں میں مسکراؤں گی

وہ کیا گیا کہ رفاقت کے سارے لطف گئے

میں کس سے روٹھ سکوں گی کسے مناؤں گی

اب اس کا فن تو کسی اور سے ہوا منسوب

میں کس کی نظم اکیلے میں گنگناؤں گی

وہ ایک رشتۂ بے نام بھی نہیں لیکن

میں اب بھی اس کے اشاروں پہ سر جھکاؤں گی

بچھا دیا تھا گلابوں کے ساتھ اپنا وجود

وہ سو کے اٹھے تو خوابوں کی راکھ اٹھاؤں گی

سماعتوں میں گھنے جنگلوں کی سانسیں ہیں

میں اب کبھی تری آواز سن نہ پاؤں گی

جواز ڈھونڈ رہا تھا نئی محبت کا

وہ کہہ رہا تھا کہ میں اس کو بھول جاؤں گی

پروین شاکر